Supreme Steak & Grill

营业中

休息中

原本想叫牛肉飯，落單時有個女人好惡咁話無飯，問佢幾時有唔答，但轉頭見有三碟飯分別去咗隔離兩張枱 @@...最後叫咗牛肉忌廉意粉，意粉唔知點解勁多黑椒 ，好辣之餘成件事完全唔match。份量都正常OK, 但又辣又咸，太重口味了。

今次帶埋個牛扒控仔仔去呢間「Supreme Steak & Grill」朝聖，食到lamlam脷！平時食靚牛動輒過千，呢度竟然$2xx就食到A5和牛，仲要包埋任食爆脆幼薯條同飲品，CP值高到阿仔即刻話要encore！  A5和牛切開五成熟粉嫩嫩，咬落去真係「咻」一聲溶喺個口！仔仔食到眼仔碌碌狂豎拇指話過癮。  不得不讚個無限refill薯條，幼身版脆到似食緊薯片，勁脆口！店員仲好醒目，見我哋食到七七八八就會問洗唔洗refill～  埋單計數，三個人食咗兩份和牛加其他主菜都係$700有找，仲飽到要散步消化。✨貼士：晚市勁爆場，記得預早book！ #和牛控必收藏 #平過自己煮 #薯條可以當飯食  🔥溫馨提示：和牛油脂超豐富，建議share食唔會膩，留肚喪食薯條更抵！

而家生意難做但正因為咁，先更加要做好啲，才能留住客人。接近兩年無幫襯估唔到水準仲差過以前今日lunch點咗份鹽燒牛舌飯首先飯已經唔熱，配粟米粒已經有啲唔知想點。再食牛舌，直頭出事總共5塊第一塊已經好韌第二。。。咦？點解牛舌唔似牛舌，睇清楚，好明顯係牛扒切成牛舌size...我真係疑惑咗成分鐘再睇其餘三塊，都好明顯係牛扒，仲要係茶記牛扒咁既level.但礙於我已經食左兩塊，無即時反映俾職員知。事後在openrice尋找其他食客點的鹽燒牛舌，完全唔同樣。如果下午茶時間無牛舌供應，點解唔直接詢問客人可否換其他食物。啲牛扒仲要超韌多筋，其中一塊好似未解凍咁。無言。我明白$70唔會食到靚牛扒，但我本來就唔係想要牛扒囉。

深水埗的 **Supreme Steak & Grill** ，係近期人氣餐廳，今日去黃金商場買電腦野，就特登去朝聖一下這次點了招牌安格斯封門柳，唔一定要叫封門柳，仲有其他部位可以叫，選擇了五成熟，外皮帶有微微焦香，烤得岩岩好，肉質都嫩滑，有油脂的香氣。配菜方面，最令人驚喜的是薯條可以 **任食 Refill**！簡直係薯條fans既福音薯條炸得金黃酥脆，趁熱吃真是一大享受餐廳的環境雖然簡約，但氣氛輕鬆舒適。補充薯條也快速，完全不會讓人感到尷尬。以這樣的質素來說，價格非常親民，如果你是一位喜歡牛排又追求高性價比的朋友，呢間餐廳值得一試

係深水埗行完街，見到有間坐得無咁迫挾既餐廳，就試下😆明太子意粉（$60) 配全熟蛋（因為有小朋友，將溫泉蛋改做熟蛋）明太子醬鹹香而不膩，咸香更特出的話更好。意粉煮得適中，彈牙的質感非常令人滿意。正宗既日式明太子意粉會加上紫菜碎係面，呢度就無落度，爭少少。另外，份量唔算大，女生食都只係岩岩好。

You can have AYCE fries when you order any dinner set. 😋We got the Spanish Iberico pork rack, wagyu sirloin steak and sous vide BBQ Spanish pork. We were quite disappointed with the wagyu sirloin steak, even though it was the most expensive item. It wasn‘t that good. It was a bit hard and had too many tendons. But surprisingly, the pork rack and BBQ pork were so tender and tasted juicy! Also, the fries were so crispy and served hot. We were so full, but we still managed to get a refill once 🤣 Fe

在深水埗的Supreme Steak n Grill用晚餐，這次的體驗實在令人滿意。餐廳提供的套餐中，有90分鐘的免費任食薯條，讓人吃得過癮。主菜選擇了Angus封門柳肉，雖然肉味不算濃郁，但選擇Medium的烹調方式恰到好處，肉質鮮嫩，汁液充盈，咬上一口非常滿足。薯條則是另一個亮點，炸得金黃香脆，每一口都讓人忍不住想再來一份。這種搭配讓整個用餐體驗更加豐富，不過需要注意的是，餐廳不設加一，意味著想要多點的話就得計劃好份量。整體來說，Supreme Steak n Grill的晚餐讓人感到物有所值，尤其是套餐的設計相當合理，適合與朋友或家人共享。環境舒適，服務也不錯，讓人倍感放鬆。若有機會再來，一定會考慮再次品嚐這裡的美食！

想据扒，本身諗住求其茶餐廳頹据，但心有靈犀咁同老公一齊揀咗呢間🤗門面西餐廳工業風，都整齊企理。墻上有幾部電視介紹下啲扒，但個餐牌無圖，點餐紙排版上有啲唔明點樣剔加280蚊可以叫A5和牛扒套餐，要親切既店員幫忙😆套餐都可以薯條任食，包一杯飲品。薯條要配汽水👀我叫左豬，心諗希望係慢煮之後再煎既🐷。果然係！一刀切落去已經好肯定係，肉質好冧，好好味。老公塊A5西冷🐮，5成熟，都係充滿左入口溶化既油脂。兩塊望落去手掌甘上下大，諗住如果唔夠食先再另叫小食。但加埋個食唔停口，而且食到最後筒底個條都係脆嘅薯條🍟。真係好滿足😌好飽好罪惡感，所以冇再添食薯條，下次會帶小朋友再過嚟食下其他，如意粉甘😆如果可以有多幾條菜攝牙罅就更加好啦，prefect池！

😱😱😱 咁嘅服務真係唔得！兩份扒餐竟然無飯無意粉，扒又細份，仲要晚上八點就話無飯賣？！🤬🤬🤬 咁叫人點夠食呀？😡😡😡 價錢仲要唔平！兩份餐要$380唔好意思，我真係好嬲，因為最基本食飽都做唔到，呢個經歷真係太差了！😭😭😭 以後唔會再幫襯呢間啦！😤😤😤

嗌咗個封門柳$190 200g medium廚師手藝精湛，牛扒嫩滑多汁，完全無「un」嘅感覺好滑好軟熟服務都好周到，員工遞餐時會讓路叫佢地幫忙影合照都好有耐性薯條方面，新鮮但未夠脆，食得出係自家製埋單時2人$380食到好飽，大推

早前睇網上分享SSP有高水凖牛扒食肆，襯今天出九龍更過去試吓，店面企理約可容納50人左右。個人嚟講牛柳、肉眼、封門柳三選一，必定選封門柳。點了封門柳五成熟、洋甘菊花茶、朱古打批。去之前都睇過一些食評，發現有個通病：一碟都血水(煎完灘得唔夠)小弟當然理解小店不可能與高級扒房或五星酒店去比，如果小店一份牛扒要十五至二十分鐘出餐，相信被人媽到飛起一地負評。上餐時check了一下有少量血水滲出，於是乎放一邊灘吓先，幾分鐘後開始食，血水少了肉汁保留了，須然不是我食過最好但都好高水評，牛味、肉質、黑椒醬都唔錯。如果改刀時用較薄身的切法效果會更好。另外套餐加個餐湯來加長用餐時，D牛扒就可以煎完灘一陣才出餐來減少血水問題。當然整個餐牌、價錢、廚房流程都調整的話，老闆自己衡量吓肋。花茶、甜品都是叫貨的屬正常品質囉。香港好的食肆已不多，希望你們加油呀！

叉燒口感嫩滑，溫泉蛋煮到岩岩好，撈埋飯一齊食，味道唔會太咸。賣相都好精美，環境衛生闊落，冷氣充足。位於深水埗嚟講，呢間西餐廳都比較抵食，午飯價錢由$60起，包野飲。

叫咗碟封門柳七成都好似生肉咁唔寫太多但總括係難食紅茶d牛扒質素都肯定好過呢間比廣告 or 社交媒體網站介紹入黎既 中一次伏已經夠P.S 塊扒最後係食唔哂 因為頂唔順薯條係無鹽 佢任 refil 但我地係無 refil 過

網上對小店有高度評價，基於好奇心便於星期日晚到此一试。店舖位處平静的街道，從地鐵站前往约需6-8分鐘。我們到店時约7點半，只有數枱客人，慢慢多人來，差不多有八成满座。餐廳做緊和牛推廣，晚餐加二百幾蚊便有一客和牛。因為我們想多试其他菜式，便沒有點呢個優惠。我們點了四個晚餐，有漢堡、鲍魚意粉、安格斯封門柳和法式羊架，薯條每人一客，另外點了豬肉串。食物整體味道不錯，薯條夠脆，餐飲選汽水不用额外加錢。環境坐得舒適，又冇加一，值得再來。

媽媽放假，諗住帶佢食好西。點知個牛柳一咬落去成口都係筋，根本咬唔爛！食咗一舊放棄咗。再嚟個意粉收你145。俾你嘅係冷飯菜汁嘅質素有乜可能西餐用現成嘅中式蒜蓉？仲要有浸酸味。嗰嚿西蘭花係發黃嘅。根本質素就係阿媽喺雪櫃嘅隔夜餸炒埋一堆話佢係隔夜餸，簡直都已經係貶低咗啲隔夜餸門口個阿姐黑口黑面十問九唔應好趕客。服務嗰3分係比另外個叔叔嘅如果唔係我一粒星星都唔想俾。個叔叔好熱情，見到我媽媽個沙律醬冇晒自己拎出嚟