甜圓坊

营业中

休息中

琴日打完风，条街成三十几度， 行几步就已经热到滴晒汗。 见到对面街有间舖头食挫冰，即刻入去凉下冷气。内部座位唔算阔落，胜在干净企理，出餐速度快。招牌迷你挫冰佢个名虽然叫迷你挫冰， 但系个份量就比我预期中大得多，同出面嘅正常份量差唔多大。 配料非常丰富 ，有九种，分别系红豆，薏仁，绿豆仁，西米，芋圆，汤圆，地瓜圆同珍珠。挫冰系炼奶底，入口甜甜地又冰凉，消暑一流。盐酥鸡新鲜炸起， 热辣辣 ，卜卜脆。 外皮咸咸地 ，内里有少许肉汁， 唔会话好油好咸。