合益泰小食

营业中

休息中

深水埗明物之一就系呢间小食店，可以坐低食，又可以企喺街边食，当然可以外卖啦，三种我都试过，最奇怪嘅就系明明都系同一间舖头出品嘅肠粉，但系唔知点解都系企喺街边食最好食。我拣咗15蚊六条肠粉，冇加烧卖冇加鱼蛋冇加猪皮，因为听讲呢一度主要都系食肠粉，其他𠮶啲配角都系麻麻地。肠粉好食，个混酱一啲都唔混帐，我钟意多麻酱多芝麻，因为我觉得咁样食落去会特别香，同埋如果甜酱太多嘅话会抢晒啲味，所以我钟意high少少甜酱然后狂捞麻酱。