古早牛肉麵 (已結業)

最近好想食台湾嘢，所以就试吓呢间古早牛肉面☺️佢哋嘅装修都令我谂返起台湾嘅早餐店，未有得去旅行都可以回味下台湾感觉～喺门口店员已经好主动上前招呼我，所以感觉真系好亲切😆见店员有时都会同其他客人闲聊下，感觉好warm～我今次嗌咗一个盐酥大鸡扒肉燥饭（$60）同埋轻芝士岩盐奶盖朱古力（原价$29，跟餐减$10）。其实除咗卤肉饭，佢都仲有其他选择，例如拌面、牛骨汤米等等，不过我今日比较想食饭😆个鸡扒肉汁多，唔会只系劲多炸皮同好少肉，真系值得一赞😄个肉燥就比较普通啲，不过都好食，唔会话太干。杯轻芝士岩盐奶盖朱古力都几特别，个奶盖咸咸地，中和返个甜味☺️佢系特别有一个轻芝士岩盐奶盖系列，所以大家都可以嗌吓其他combination试吓！