影片
更多
2021-07-02
278 浏览
深水埗不嬲出名美食多选择多，大家都知既有茶餐厅既蛋牛治、猪膶面、米芝莲车仔面、肉骨茶等，随左美食，深水埗都系一个Cafe林立既区，呢家由大南街到基隆街、汝州街都会闻到咖啡香，著名美食同Cafe就系大家黎深水埗既原因，不过大家有无谂过黎深水涉系食饺子同日式甜品呢?店主系2019年选址基隆街，开左呢间一家人小本经营既小店「家后」，店铺无打卡既门面与装潢，亦都无卖深水埗应有既精品咖啡，而是主打饺子同芝士蛋糕，系你无睇错，呢两样野食系完全风马牛不相及。店主本身唔系做开食肆，家庭一直系做布行生意，因为近几年行业走下坡，就同父亲商量转业，商议后决定开一间饺子店。因为店主妈妈识得包饺子，款式也唔似一般餐厅复杂，店铺菜式食物专一啲会容易经营啲，于是就胆粗粗开张左餐厅。点解一间饺子店会有甜品卖?因为店主既日本人太太钟意做甜品，太太问过店主后，店主试过后觉得可以就开始系店铺卖甜品。餐厅完全系家庭式经营，爸爸包饺子、妈妈主厨务、儿子掌楼面、新抱整蛋糕，每人一瓣、各司其职，比起饺，太太所做既日式芝士蛋糕更加爆红。餐厅主打既饺子，只有煎饺同汤饺，无蒸饺，非常简单。开业时更加只得3款饺子，慢慢才到呢家8款。好似洋
店主系2019年选址基隆街，开左呢间一家人小本经营既小店「家后」，店铺无打卡既门面与装潢，亦都无卖深水埗应有既精品咖啡，而是主打饺子同芝士蛋糕，系你无睇错，呢两样野食系完全风马牛不相及。店主本身唔系做开食肆，家庭一直系做布行生意，因为近几年行业走下坡，就同父亲商量转业，商议后决定开一间饺子店。因为店主妈妈识得包饺子，款式也唔似一般餐厅复杂，店铺菜式食物专一啲会容易经营啲，于是就胆粗粗开张左餐厅。点解一间饺子店会有甜品卖?因为店主既日本人太太钟意做甜品，太太问过店主后，店主试过后觉得可以就开始系店铺卖甜品。餐厅完全系家庭式经营，爸爸包饺子、妈妈主厨务、儿子掌楼面、新抱整蛋糕，每人一瓣、各司其职，比起饺，太太所做既日式芝士蛋糕更加爆红。
餐厅主打既饺子，只有煎饺同汤饺，无蒸饺，非常简单。开业时更加只得3款饺子，慢慢才到呢家8款。好似洋葱猪肉、韭菜猪肉、芫荽猪肉等材料都系店主爸妈每日一朝早亲自到街市买，所有材料都系逐样拣过挑过，靓既先会买。猪肉方面都系亲自系肉档挑选既新鲜猪肉，餐厅就好似为屋企人买𩠌煮饭咁。返到厨房仲有一大堆功夫要做，洗材料、剁猪肉、做卤水、煲汤等，好食既饺子同家常菜绝对唔简单。
至于汤饺方面，汤底都系店主妈妈负责，平时系屋企煲汤都唔会系古灵精怪既汤，系平时会饮到既家常老火汤，好似番茄薯仔之类，客人可以食到饺子之余又饮到住家汤，所以开业一年已经储到一班熟客。配粉面用既汤底系用牛骨汤同猪骨汤，而每日渌饺子既就系每日既老火例汤，客人知到饺子系用老火汤渌之后，会一滴不漏咁饮晒。
父母帮左店主好大忙，不过最出名人气既巴斯克芝士蛋糕，系全靠店主日籍太。店铺唔止有芝士蛋糕，仲有日式焦糖布甸。对店主黎讲，太太温顺，要打理家务、照顾女儿，又要做蛋糕，非常贤慧唔简单。系巴斯克芝士蛋糕仲未系香港大红大紫，太太已经有做，非常有触觉。芝士蛋糕客人食过之后个个都好钟意，甚至会特别订制全个做送礼，之后巴斯克蛋糕爆红，个个客人争住买，一传十、十传百，变成左餐厅人气产品，比饺子更红，试过一日曾卖出60件既成绩，有好多人系冒著蛋糕之名而黎，令到家后更添人气。
我会知呢间小店，系因为身边同样钟意食野既朋友有次介绍比我，佢向来对食野要求都高，见佢会对呢度既饺子喜爱有加，一直都想黎试一试。再加上我女朋友一直都好钟意食饺子，有系网上既饺子关注组，见到有网友推介呢间饺子店，评分唔错，有次咁岩系深水埗就决心一试佢系咪真系咁好食。
网上见到有人要等半个钟先可以入座，好好彩既系我完全唔驶等位，黎丁就可以坐低。门面唔算显眼，店铺唔算宽敞，面积唔大，有几张方枱圆枱小櫈，大概有二十个座位，但尚算坐得舒适，门口玻璃够开扬，设计简约，店内装潢系怀旧中见时尚，墙上有深水埗既旧区街照，加上中国风图腾同木制餐枱櫈，港式粉面店格局中带有风味，整体干净整洁。
呢度既餐牌得两页，第一页系茶餐厅常见粉面同饭餐，另一页就系呢度既招牌饺子、小食同甜品。饺子有八款口味，每份系8只，可以拣双拼或者拼面，拼面就只有6只，价格合理。小食方面有大肠羹、饭团、鸡翼、卤味等，甜品有芝士蛋糕同焦糖布甸。
系等紧野食个时，会见到店员用心咁逐只逐只饺子咁包，相信呢个就系店主既爸爸，所以呢度既饺子绝对系真材实料，系心机菜。
-
1️⃣ 洋葱猪肉饺 煎饺 $40（: 9/10）
洋葱猪肉饺
$40
21 浏览
1 赞好
0 留言
呢款洋葱猪肉饺系最多人点，喺店舖嘅招牌，如果叫双拼嘅话要加两蚊。
饺子煎到金黄色账卜卜，小小透明会见到内馅，卖相非常讨好，咬落外层好香脆，尤其系个饺子底部，但唔会过火令到好硬，饺子皮够薄，食落轻盈。而内馅咬落系非常juicy，肉汁饱满，会即刻喺口腔爆汁，所以要小心食如果唔系会辣亲，煎饺做到完美既不干不油。
平时嘅饺子好少见到用洋葱做馅，呢度用紫洋葱做，洋葱份量够多，切到大大粒，食落唔生，煎过既洋葱小左辛辣味，多左一份甜，甜甜地又多汁，咬落够爽，完全增加馅料既口感，猪肉份量够多，够新鲜，用半肥瘦猪肉，食到猪肉嘅甘香味，好入味唔干身。
呢个饺子绝对系皮薄馅靓，馅同皮配搭得好好，洋葱同猪肉嘅比例啱啱好，唔会太多肉食到好，两只味唔会话互抢，食落好香口，饺子调味唔会太重手，冇多余调味，唔会盖过馅料本身的味道，无谂过紫洋葱摆落饺子咁夹，而呢款饺子应该系最好食嘅一款，对比起其他馅料或者汤饺，唔食洋葱既人应该都会比呢个层次丰富既饺子俘虏。
另外店舖有提供自家制嘅香辣菜脯，咬落爽口带后劲既辣，辣得黎醒神醒胃，几惹味过瘾会，放系近收银处附近，可以问店员帮手拎。
-
2️⃣ 云耳椰菜猪肉饺 汤饺 $36（: 8.5/10）
云耳椰菜猪肉饺
$36
18 浏览
1 赞好
0 留言
叫咗一个煎饺，就叫一个汤饺比较下。饺子大细正常，算系一口size，外皮滑溜，皮够薄，但夹起唔易整穿，咬落系烟韧，内馅饱满扎实，味道鲜甜偏向清淡，调味方面做得啱啱好。椰菜云耳咬落新鲜爽口，口感丰富，椰菜既鲜甜味好突出，猪肉肥瘦合宜，略嫌云耳偏少。
呢度汤饺嘅汤底日日都唔同，有时系红萝卜雪耳汤，今次系粉葛汤，饮落唔会话好重味，但味道足够，汤底清澈，饮落清甜，冇乜油份，有淡淡既粉葛香，系真材实料，饮完会觉得好口渴，系好健康冇味精嘅汤底，仲会有两条生菜，唔系惊艳既味道，但有屋企饮汤嘅感觉，平淡而舒服，同饺子配搭得好，汤底唔会喧宾夺主，反而令饺子更加有甜味鲜味。
-
3️⃣ 日式住家饭团(套餐B) +$15（: 8.5/10）
日式住家饭团
$15
17 浏览
1 赞好
0 留言
呢度既饺子随左可以单点之外，仲可以跟套餐，有3款套餐可以选择，套餐A系配一碗面，汤底可以选择猪骨汤或者是日例汤，而套餐B系配一个是日饭团，而套餐C系配麻辣或者卤水鸡翼两只。因为饭团算系呢度特色，加上系人气之选，所以就拣左套餐B。
饭团呢种系饺子店唔常见既日本料理，都系店主日藉太太负责整，餐牌上写饭团系用日本米，上枱时香气扑鼻，饭团咬落够绵，唔会过腍，粒粒分明，带小小烟韧。
饭团主要系靠烧汁调味，虽然睇落好深色，味道唔会话好浓味，唔会话好咸，味道调味适宜，食落够香，所以唔洗再加任何调味。
饭团入面会有小小鸡肉碎，鸡肉有烧汁既香味，最特色系有牛蒡丝，牛蒡丝绝对系画龙点睛，味道非常香，每一啖都食到鸡肉同埋牛蒡丝，口感相当丰富，粒粒饭都充满牛蒡既香味，食落完全好有日本饭团既味道，成个饭团唔会话得饭，唔会食到最尾系得白饭，估唔到系一间香港饺子小店，会食到日本既味道，绝对系有惊喜。
-
4️⃣ 冻柠茶（: 7.5/10）
冻柠茶
20 浏览
2 赞好
0 留言
冻柠茶够冻，饮落唔算甜，茶味算正常，系杯正常既冻柠茶。
-
5️⃣ 日式手作芝士蛋糕 $25（: 8.5/10）
日式手作芝士蛋糕
$25
16 浏览
1 赞好
0 留言
呢度既日式手作芝士蛋糕绝对系招牌之一，系店主日籍太太亲手做，我系食紧饺子个时甚至见到有人入黎净系买芝士蛋糕走，而唔系买饺子，而且系日日新鲜制作，数量有限，所以就即刻点左。系餐厅点一件系原个芝士蛋糕既八分之一，餐厅可以预订整个蛋糕，只需要提前两天就得。
芝士蛋糕仲左有原味，仲有提供好似好小见既开心果口味、提子冧酒、抹茶味等，不过第一次食就点左原味试下先。
虽然佢系写日式手作芝士蛋糕，但外表系成个巴斯克芝士蛋糕，唔好以为饺子店出品既甜品就无质数，食落系有惊喜，一咬落去蛋糕口感绵密软滑，非常creamy，蛋糕系偏湿润，而中间系做到流心既效果，软绵得黎同时又实在，软硬适中，虽然唔系惊人既流心效果，不过比一般咖啡质既已经做得更好，系我钟意既芝士蛋糕口感。
芝士味非常香浓，而且奶香突出，有蛋香味，食落带点微酸，唔会太甜，而且蛋糕上面焗到有焦既部份，所以食到最后会有小小焦香嘅味道，蛋糕既底同样蛋味好浓，完全系我平时食到好既芝士蛋糕会经历既口感同味道变化。
成个芝士蛋糕唔算好大，作为甜品岩岩好，食落唔腻，虽然25蚊一件，但品质唔会输比啲Cafe、甜品店，食得出系用心制作，令我有信心下次再黎会试埋其他口味。
-
呢度既饺子出色，个人最钟意煎饺，皮够薄食落唔会炸到好硬身，食落唔腻，哎落够脆，而汤饺方面比较钟意佢既汤底，饮落清甜但唔会觉得口渴，系屋企会饮到既味道，而小食方面饭团系有日本既味道，无谂过饺子店会食到有质数既饭团，最后甜品当然系有惊喜，无谂过饺子店会有日式芝士蛋糕，自家制得黎贸数唔会输比Cafe出品芝士蛋糕。甜品随左芝士蛋糕，店铺仲有提供日式焦糖布甸，今次试唔哂既我，留返下次一定会食。
价钱方面非常平民，平民得黎又食到如此高质既食物水平，只怪我太迟认识呢间小店，服务好好，老板同店员够热情好客，用心问客人需要，会见到佢同唔小客人有倾有讲，系我挂住影相既时候，店主叫我唔好挂住影相，冻左唔好食，为既系想我食到好食既饺子，唔会系一般餐厅送上食物之后无交流咁冰冷，同客人打成一片，好有在家风味。感觉真系好似屋企人煮野食比我咁，食到既饺子系充满人情味同家中味道，论食物水平、价钱、服务，已经足够我一试再试。
系呢个附近都系饺子店林立既太子、深水涉、长沙湾既饺饺镇，要突围而出确实唔简单，呢度随左算饺子赢得口碑，仲因为芝士蛋糕声名大噪。成功因为店主对食物既坚持，经常去了解客人既需要同意见，再作出改进，最初店铺得3款饺子，客人多左比左唔小意见，参考过觉得可行后，于是变到呢家咁多款，希望食客带住一份满足离开进，会尊重客人意见既呢间餐厅成功既原因之一，再加上店主既父母，无论系食材、处理到烹煮都系一丝不苟。
其实第一次听家后呢个名已经令我抱起怀疑，因为之前听过一首台湾闽南歌又系叫家后，原来店主正正就系用呢首歌歌名做店铺名。家后既闽南语系解妻子，首歌既意思系茫茫人海可以走埋一齐唔易，既然一齐左就要相爱珍惜，而一个幸福家庭背后，需要有一位贤淑既妻子支撑住整个家。所以店主用呢个店铺名，衷心感激佢既太太，听完之后，唔知大家去食呢度既蛋糕太，会唔会觉得太甜呢?
张贴
