食意 (已結業)

深水埗都有高质意大利风味餐厅？真系有呀！门口系黑色配橙色的色调，有dd型格。午饍时间光顾，12:40左右到达只有三四枱。 咁咁...咁少人嘅？唔会有伏架？ 好彩大慨1:00左右就见大慨有7成满啦。我地被安排坐在柱位旁边的角落，无其他枱在隔离，啱晒倾计。一坐低，侍应就送上menu和水。服务都几快速。Lunch有六款选择，我地点左玛格丽塔披萨和忌廉烟三文鱼直纹窄意粉。是日餐汤系番茄汤番茄汤size都唔细，上面撒左面包粒和香草，卖相吸引。个汤系有番茄蓉嘅，但唔系那d好大粒的番茄碎，入口好滑。而且有香浓的番茄味。主菜方面，玛格丽塔的皮做得好薄好脆，而且好大块，好抵食！番茄的酸甜度适中、搭配芝士和basil ，食到一块接一块接住停唔到口呀，就算已经好饱最后都食晒另一道主菜系忌廉烟文鱼配长通粉。虽然系忌廉，但系个汁唔会好稀，而且食落比较香，唔会只得奶味/淡忌廉味。甜品系有d日式feel的抺茶pudding，好浓郁的缘茶味，成个lunch真系好完满呀！