潮福蒸氣火鍋 (已結業)

我一向都话深水埗餐厅就多，但酒楼冇乜几多间，又或者有卖点心𠮶啲舖多数都唔太好食。呢日想食心点(小新叫法)饮啖茶，同事就推介我去「潮福蒸气火锅」，我一直以为潮福净系食海鲜添😅。我同同事下午一点半钟去到，餐厅好热闹好旺场，咁都合理嘅，因为佢好抵食，有大量特价点心同孖宝套餐等👍。下午茶市就要两点先开始。由于太耐无坐低饮茶🥢，我哋就好似新闻所讲咁「报复式消费」，叫咗好多嘢食🤣。家乡银针粉($18.8)，最钟意食银针粉嘅我一定唔会错过依味❤️。我有一刻幻想过佢系汤浸，但原来系三丝炒，味道几好，够味又唔油；而且份量多，饱肚之选。煎酿茄子($16.8)，呢度嘅茄子系巨无霸呎吋🍆，酿鱼肉亦非常厚身，真材实料！原只鲜虾肠($18.8)，虾肠当然唔少得大大只虾🍤，鲜虾肉质弹牙。三条肠粉，每条有两只虾，肠粉本身都算滑。酱皇金钱肚($20.8)，金钱肚有成七至八件，并搭配白萝卜垫底索汁🤤。呢样点心嘅精华所在系个汁，重口味带点微辣，但并不缠人。杞子烧卖皇($14.8)，烧卖有四粒，味道较为普通，不过不失。但平日烧卖多数卖成顶点或者特点，而家咁嘅价钱就有交易，仲平过地铁站啲乜乜先生😳，无乜可投诉。脆皮乳鸽($38/