天下茶屋 (福榮街)

营业中

休息中

早几日同朋友出深水埗买野，经过呢间天下茶屋，觉得个名好熟但系又谂唔起系边度听过，后尾朋友提我呢个系大阪其中一个车站嘅名！就系咁我同朋友就决定要入去试下佢。呢度似乎系比较出名食丼饭，不过近来天气咁热我同朋友都比较想食小食多过丼饭，于是就叫了大量小食。首先沙律分别叫了蟹籽青瓜沙律同一口胡麻蕃茄，材料都算新鲜，尤其车厘茄去左皮咬落外皮软软内里就爆汁口感有趣。木鱼花胡麻冷奴豆腐我同朋友都最钟意呢个汁煮茄子，茄子煮得够冧又入味。热食方面，我地要了个日式炒杂菜，材料丰富，炒出来唔油腻系清淡之选。另外单骨鸡翼炸得香脆，味道有少许辣，食落够香口。估唔到日本餐厅都会有奶盖茶卖，我叫了杯冲绳海盐奶盖乌龙茶，奶泡食落绵绵的，而且芝士味配上咸咸地嘅海盐好衬，底部嘅乌龙茶我叫了走甜，我特登无搅匀啲奶泡落茶度，食落无咁济反而更清甜解渴。