茶屋町 (長沙灣道) (已結業)

深水埗出名多好嘢食，今日同朋友经过一间日式餐厅，望落环境都几舒服，价钱又几公道，就一于入去试吓。餐厅系扫QR code落单，都几先进。汁烧鳗鱼丼原条鳗鱼都厚身，啖啖鳗鱼肉，超级满足。汁烧得啱啱好，好入味。加上芝麻同埋紫菜，增加层次感。仲有一碗牛肉小菜，都有成5-6粒牛肉粒，好抵食。照烧鸡扒乌冬上菜的时候，首先能够闻到非常香的鲣鱼味，先试一口汤，汤头非常之浓厚，不会太咸，配乌冬吃非常可口。 乌冬烹调的熟度刚刚好，咬下去坚韧有小小弹牙，不会煮得太淋。 照烧鸡的酱汁很香，而且还有少少的焦香味，鸡扒嫩滑多汁，配著乌冬食，很美味～炸南瓜薯饼$24有4好大块嘅南瓜薯饼，南瓜味都几浓，个蓉好creamy，2-4个人食啱啱好，配埋沙律酱更好味。餐厅仲有好多好吸引同埋优惠嘅甜品，不过我哋实在太饱，下次再试。整体而言，今晚食嘅嘢都几好味又抵食。