超哥印尼手打麵 (已結業)

呢个铺位最近又转咗手，开咗一间印尼餐厅，因为入面铺仔细细，之前行过几次都系满座，今日终于有机会试到。餐牌都印得几精美，选择都几多，不过本身比较少食印尼菜，所以都冇乜太多idea。呢个手打捞面应该系佢哋嘅招牌菜，望落卖相都好七彩缤纷，原来印尼手打面相对普通即食面来讲粗幼差唔多，但就比较硬身，捞面上面都系一啲印尼专有嘅配菜，其实都唔系太清楚系啲乜嘢材料，不过都系类似一啲豆制品同埋鱼蛋之类，都几特色。另外仲叫咗海鲜炒手打面，呢个就比较似我哋港式嘅豉油王炒面，酱料深色得来又唔咸，我就钟意佢有好多菜混埋一齐食，而且仲有鱿鱼、虾、鸡肉、同埋一啲印尼专有嘅配菜，都几唔错！店员有介绍呢两支分别系醋同埋辣椒酱，应该都系印尼食法，呢个辣椒酱千祈唔好睇小，原来系超级辣嘅，所以建议落少少试试味先，否则真系一发不可收拾。见到好多食客都有食呢个刨冰，所以我哋都叫返一个做饭后甜品，刨冰入面有好多唔同嘅杂果同豆类，冰碎刨得好柔细好绵滑，上面就淋咗有唔同嘅果汁同埋炼奶，混埋一齐好好食😋喺呢间餐厅食嘢嘅时候，不断见到有好多印尼华侨嚟帮衬，而且佢哋同店员有讲有笑，相信应该系熟客，所以啱唔啱口味就见仁见智，但我好相信呢间印尼