影片
更多
2022-10-30
1389 浏览
📌 绿林甜品 - 深水埗元州街77-79号地下🗓(29/10) 星期六 ⏰ 晚上6点左右 💈特式：出街食完饭，如果时间尚早，食返个糖水系常识吧，讲到深水埗食糖水号舖头，相信有多年历史嘅绿林甜品都应该无乜人唔识。🥩🍔🌭🌮🥗🥯🥘🍲🍝🍣🥟🍤🍱食物：餐厅位于深水埗黄金后一条街，我平时去亲都系食马蹄露小丸子，但绿林通常系秋冬时节就会出返佢地个生磨栗子粒露，等我同大家讲下佢嘅甜味道先。生磨栗子粒露🌰 - 首先，呢个系秋冬季节先有供应，其次系出面其他糖水舖都好少有做栗子粒露，所以我当时食都见到有唔少街坊买外卖，都系几碗几碗栗子粒露咁，讲返个味道先，栗子味好浓好香，又有好多唔同大大细细嘅栗子肉，个糊底又做得好滑，又唔算太甜，好有滋润嘅感觉。马蹄露小丸子 - 呢个系我平时去绿林唯二食嘅糖水，因为我本身就好钟意食马蹄露，佢马蹄肉多，蛋花又多，再加埋烟烟韧韧有咬口嘅小丸子，真系无得顶。🍽环境：餐厅环境就只系普普通通啦，旧式糖水舖都系千篇一律，无乜装修，坐得唔会好舒服，但绿林都叫做唔算好迫，又干干净净咁。🤵🏻🤵🏻♀️🤵🏻♂️服务：职员服务态度正常，见餐厅阿姐对d熟客都有两句计倾，对街客都无乜
🗓(29/10) 星期六 ⏰ 晚上6点左右
💈特式：出街食完饭，如果时间尚早，食返个糖水系常识吧，讲到深水埗食糖水号舖头，相信有多年历史嘅绿林甜品都应该无乜人唔识。
🥩🍔🌭🌮🥗🥯🥘🍲🍝🍣🥟🍤🍱
食物：餐厅位于深水埗黄金后一条街，我平时去亲都系食马蹄露小丸子，但绿林通常系秋冬时节就会出返佢地个生磨栗子粒露，等我同大家讲下佢嘅甜味道先。
生磨栗子粒露🌰 - 首先，呢个系秋冬季节先有供应，其次系出面其他糖水舖都好少有做栗子粒露，所以我当时食都见到有唔少街坊买外卖，都系几碗几碗栗子粒露咁，讲返个味道先，栗子味好浓好香，又有好多唔同大大细细嘅栗子肉，个糊底又做得好滑，又唔算太甜，好有滋润嘅感觉。
马蹄露小丸子 - 呢个系我平时去绿林唯二食嘅糖水，因为我本身就好钟意食马蹄露，佢马蹄肉多，蛋花又多，再加埋烟烟韧韧有咬口嘅小丸子，真系无得顶。
🍽环境：餐厅环境就只系普普通通啦，旧式糖水舖都系千篇一律，无乜装修，坐得唔会好舒服，但绿林都叫做唔算好迫，又干干净净咁。
🤵🏻🤵🏻♀️🤵🏻♂️服务：职员服务态度正常，见餐厅阿姐对d熟客都有两句计倾，对街客都无乜野，正正常常咁啰。
💰💸价钱：马蹄露小丸子就$32，而生磨栗子粒露就$38，真心就唔算低食，但出去食糖水就度度差唔多价钱，佢个栗子粒露就偏贵嘅，不过就出面少机会d食到同埋系心机钱啰。
🐲💬总结：我觉得耐唔时食糖水滋润下系需要嘅，所以都唔计较得咁多价钱，最紧要揾到一间自己钟意食嘅糖水舖，绿林算系我其中一间必食糖水舖之一。
推荐指数：❤️❤️❤️❤️❤️
生磨栗子粒露
$38
79 浏览
0 赞好
0 留言
张贴
