上海萬家村小館

营业中

休息中

今日同朋友嚟到一间位于深水埗嘅上海舖头，之前下午茶时间经过见到都想试，今日就一于试吓佢嘅晚餐。餐厅菜式选择好多同朋友拣咗差唔多成10分钟先决定到。 首先叫咗佢哋嘅招牌爆汁蟹粉小笼包 （$118/5）。而家秋高气爽冇理由唔食蟹嘅产品小笼包一笼有五只，包得够实唔会一夹就散，仲可以夹住个顶影相打卡。材料都足嘅，算厚实。之后叫咗个醒胃凉拌前菜，叫咗怪味鸡同埋镇江肴肉双拼（$80)。 各有四旧，卖相精致，作为前菜啱啱好，微辣配上少少酸味几特别。 另外叫左佢嘅招牌小笼包 一样唔错。 主菜叫咗个金银炒鳝糊($128)， 呢个系咁多碟菜式里面我最推介嘅，味道唔腥，肉质唔会散，调味啱啱好，具有唔同嘅口感，送饭一流。价钱嚟讲亦都唔算好贵，性价比唔错。 除咗主菜当然唔少得甜品。甜品嗌咗个高力豆沙 $52，呢个系我人生第一次食嘅上海菜，之后上网查先知系将蛋白打泡至企身，然后拎去摘搭配豆沙馅料，食落有少少似冬甩，但系口感又偏软身，唔会太甜。 最后亦都嗌咗两杯豆浆 $10，咩都唔会太甜，亦都有豆香。