影片
更多
2022-03-16
1210 浏览
呢日喺深水埗买完嘢，阿妈叫我斩料返屋企加𩠌，因为日头无落街😅。我醒起旧同事讲过长沙湾道间「潮味苑」啲食物唔错，咁就一于试吓。我都未行到去个舖位，离远就经已见到有好多人帮衬，有唔少系买惯买熟嘅街坊👍。卤水打冷系餐厅嘅主打，佢另外仲有潮州粉面同特色小菜，选择非常之多，价钱则属正常水平。我哋要咗一盒卤味同一份炒面，唔好睇外卖盒细细🥡，但其实叠到好实，相当足秤。卤水细拼($148)，虽然话系细拼盘，但份量都已经咁多，难以想像大拼会有几夸张😳。拼盘内容超丰富，数下数下超过成十款，包括墨鱼、猪颈肉、鹅肝、猪耳、红肠、鸡肾、五花腩、猪大肠、生肠、鸡蛋、豆腐、芽菜同花生等。佢系我食过嘅拼盘之中最好食，每一样都卤得入味，但又唔会过咸。我自己最钟意墨鱼🦑、猪颈肉同芽菜。拼盘份量多到一餐都食唔晒，性价比高！三丝炒鱼面($78)，炒鱼面唔系度度都有得食，真系要喺正宗潮州菜馆先有呢。🐟鱼面真材实料，粗幼度同乌冬相若，每条爽弹得嚟又唔似发泡胶，口感好正，令人上瘾。话明三丝炒，当然无令人失望，佢落咗多种海鲜(如鲜虾、鱿鱼同鱼片头)、韭菜、韭黄同蛋丝等一齐炒。鱼面美味，而且仲感觉健康轻盈啲，走淀粉质嘛🥢。题外话，餐厅
呢日喺深水埗买完嘢，阿妈叫我斩料返屋企加𩠌，因为日头无落街😅。我醒起旧同事讲过长沙湾道间「潮味苑」啲食物唔错，咁就一于试吓。
我都未行到去个舖位，离远就经已见到有好多人帮衬，有唔少系买惯买熟嘅街坊👍。卤水打冷系餐厅嘅主打，佢另外仲有潮州粉面同特色小菜，选择非常之多，价钱则属正常水平。
我哋要咗一盒卤味同一份炒面，唔好睇外卖盒细细🥡，但其实叠到好实，相当足秤。
卤水细拼
$148
26 浏览
0 赞好
0 留言
卤水细拼($148)，虽然话系细拼盘，但份量都已经咁多，难以想像大拼会有几夸张😳。拼盘内容超丰富，数下数下超过成十款，包括墨鱼、猪颈肉、鹅肝、猪耳、红肠、鸡肾、五花腩、猪大肠、生肠、鸡蛋、豆腐、芽菜同花生等。佢系我食过嘅拼盘之中最好食，每一样都卤得入味，但又唔会过咸。我自己最钟意墨鱼🦑、猪颈肉同芽菜。拼盘份量多到一餐都食唔晒，性价比高！
三丝炒鱼面
$78
15 浏览
0 赞好
0 留言
三丝炒鱼面($78)，炒鱼面唔系度度都有得食，真系要喺正宗潮州菜馆先有呢。🐟鱼面真材实料，粗幼度同乌冬相若，每条爽弹得嚟又唔似发泡胶，口感好正，令人上瘾。话明三丝炒，当然无令人失望，佢落咗多种海鲜(如鲜虾、鱿鱼同鱼片头)、韭菜、韭黄同蛋丝等一齐炒。鱼面美味，而且仲感觉健康轻盈啲，走淀粉质嘛🥢。题外话，餐厅自家制嘅辣椒油好辣，但又好惹味。
总括嚟讲，呢间深水埗知名潮州饭店果然有水准，咁多人帮衬唔系无原因😋。餐厅无华丽嘅装修，但就有一种亲民小店嘅感觉。当疫情过后可以堂食之时，我会约朋友再次到访，啤啤佢，品尝正宗潮州美食。
张贴
