泰潮 (已結業)

因为今日要买电脑用品, 所以黎到深水埗揾食, 由于深水埗好质素的食店并唔多,见到呢间2011- 2013 米芝莲推介, 当然要试下。食晚饭时间要等几张枱, 但好快有位。我地点左个海南鸡饭餐$52, 转腿+$5, 另一个点左冬阴功汤粉$38鸡饭跟例汤及靑瓜,靑瓜够味酸酸辣辣，例汤亦有鸡味 鸡肉好滑好鲜嫩,系香港黎计都算系数一数二的滑,鸡已去骨亦算大件厚身,唔会好似一般小店甘多饭少肉, 油饭唔会太油腻, 有鸡香味, 不过略谦干身左D, 唔够软滑冬阴功金边粉, 汤头酸酸辣辣有椰香味,味道 几好,但唔太辣, 建议如果钟意食辣的朋友可以order 时叫佢加辣, 内里有3只连壳的新鲜虾,车厘茄同大量菇, 粉亦夹口弹牙,$38蚊黎计都算系有诚意~ 店内环境细小, 枱与枱之间没有多余空位相距甚近, 一般黎讲此类型小店都唔需要收加一服务, 但临埋单前睇下张单,呢到竟然要收!!可能因为是米芝连食店的关系??难怪openrice 的食评麻麻,虽然如此,但总括味道唔差, 价钱亦可以接受, 都会再返黎食。