番茄師兄

营业中

休息中

早前经过深水埗，终于去咗bookmark好耐嘅蕃茄师兄！我超爱蕃茄🍅无论生熟咁食，都好味兼有益～睇到宣传单张话，佢哋仲会加入大量牛骨、牛肉去熬制汤底，真系未食都超兴奋！🤤​ 今次我就order咗「一贝子」（另加炒滑蛋、鸡脾菇、椰菜），朋友就order「芝SEE菇牛」～​ ​一贝子系番茄浓汤面上，加两件北海道刺身级煎带子，再配4只大花甲嘅组合。不得不赞，佢哋嘅带子好软滑鲜甜，外层又经过牛油香煎，外脆内鲜，非常好味。不过，大花甲我就麻麻，肉唔多，仲有少少硬。​至于滑蛋，我觉得做得好好，生熟程度适中，嫩滑得嚟又干身，好高质！🤤​最后食到去汤底，我真系超钟意佢哋个汤底，好浓郁嘅蕃茄及牛味，唔似出面食到咁，用味精调整，汤底嘅鲜甜系源自牛骨熬制，既浓郁又鲜甜，好有诚意！👍🏻​​ 朋友叫的芝SEE菇牛，我觉得比一贝子更好味，汤底一样，但上面嘅免治牛肉粒加咗草菇炒，成件事好惹味，仲加埋芝士，简直系邪恶之最！不过，口味偏腻，怕肥嘅人叫之前可能要斟酌下。​​ 另外，我好钟意佢哋嘅小食紫菜墨鱼丸，外层炸得香脆，入面嘅墨鱼肉又爽口弹牙，好推荐！​​ 蕃茄师兄仲有一系列特饮～左为有机豆浆，右为柠檬雪梨露。