影片
更多
2021-11-24
50 浏览
基隆街除左有好多好chill嘅文青cafe之外，我发现仲有一间零负评嘅饺子店，由于本人非常喜欢食饺子，就决定黎试一试。「家后」系闽南语「妻子」嘅意思，的确呢间小店系家庭式经营，老板负责打理店里店外、老板娘整甜品、长辈们负责包饺子……一入到店里面，店员们都好好招呼，有一种亲切嘅感觉。店铺主要系卖手工水饺、小食同甜品。当日朝早11点就到，嗌左汤饺、煎饺、鸡翼、炸鸡同芝士蛋糕试一试。本来仲想试饭团，但太早到仲整紧，应该12点后先有。芫茜猪肉、菠菜猪肉汤饺 （套餐$53）汤饺嘅汤底比较特别，系莲藕汤，味道清甜冇味精。 饺子皮厚有韧性，似北方饺子，所以浸落汤度都唔容易烂，可以完好地包住入面嘅肉汁。馅料份量好多，猪肉同菜比例刚刚好，而且非常新鲜。卤水鸡翼、麻辣鸡翼（跟餐）鸡翼都好大只，鸡皮薄而且爽口，非常入味。麻辣鸡翼系小辣，麻未唔太重，唔太食得辣嘅朋友都可以试试。日式炸鸡（$25）鸡件外皮炸得脆而且干身，一咬落去系热辣辣出烟的，鸡肉嫩滑多汁。洋葱猪肉，云耳椰菜猪肉煎饺 （套餐$57）呢度煎饺真系非常之好食，饺子系生煎成金黄色，望落已经好吸引，一口咬落去有卡滋卡滋嘅酥脆声，然后馅料食到美味多汁嘅馅
「家后」系闽南语「妻子」嘅意思，的确呢间小店系家庭式经营，老板负责打理店里店外、老板娘整甜品、长辈们负责包饺子……一入到店里面，店员们都好好招呼，有一种亲切嘅感觉。
店铺主要系卖手工水饺、小食同甜品。当日朝早11点就到，嗌左汤饺、煎饺、鸡翼、炸鸡同芝士蛋糕试一试。本来仲想试饭团，但太早到仲整紧，应该12点后先有。
芫茜猪肉、菠菜猪肉汤饺 （套餐$53）
汤饺嘅汤底比较特别，系莲藕汤，味道清甜冇味精。 饺子皮厚有韧性，似北方饺子，所以浸落汤度都唔容易烂，可以完好地包住入面嘅肉汁。馅料份量好多，猪肉同菜比例刚刚好，而且非常新鲜。
卤水鸡翼、麻辣鸡翼（跟餐）
鸡翼都好大只，鸡皮薄而且爽口，非常入味。麻辣鸡翼系小辣，麻未唔太重，唔太食得辣嘅朋友都可以试试。
日式炸鸡（$25）
鸡件外皮炸得脆而且干身，一咬落去系热辣辣出烟的，鸡肉嫩滑多汁。
洋葱猪肉，云耳椰菜猪肉煎饺 （套餐$57）
呢度煎饺真系非常之好食，饺子系生煎成金黄色，望落已经好吸引，一口咬落去有卡滋卡滋嘅酥脆声，然后馅料食到美味多汁嘅馅料，真系感到非常幸福。
我最喜欢系洋葱猪肉煎饺，紫洋葱非常新鲜，切成一粒粒，爽脆而且充满水分，系当日即包即整现有咁嘅效果。而云耳椰菜猪肉饺食落都好爽口，口感好立体。
原味芝士蛋糕（$25）
饺子店有蛋糕卖真系好少见。原来呢度嘅蛋糕系日籍老板娘自家制嘅。巴斯克芝士蛋糕外层焗得焦香，蛋糕质感软绵绵，浓厚幼滑，真系好正。
老板介绍平日基本上都会有原味同另外一款口味嘅芝士蛋糕，而星期六就可能会有3-4款口味，我决定下次周末要在黎试其他味道。
张贴
