全記雲餃

营业中

休息中

工作需要过了去深水埗买嘢，见到有间门面新净的水饺店就入去开餐。🔸花旗参石斛炖乌鸡入秋后成日去找炖汤来滋补身体，呢度有五款炖汤选择，今次嗌了花旗参石斛炖乌鸡，花旗参清热解毒、石斛能滋阴清热护肝明目，炖汤足料，绝对适合长期精神唔够的我。🔸鲜虾鲜肉汤云吞有八粒配上汤，每粒都有原只鲜虾和新鲜猪肉碎喺入边食落去好新鲜弹牙满足。🔸呢度有六款水饺选择，可以选汤饺和煎饺，今次选了双拼煎饺：萝卜木耳鲜肉饺和白菜鲜肉饺，肉饺饱满味道恰可，可配上节醋或豆瓣酱。煎饺等左差唔多十分钟，问服务员先知原来系新鲜生煎，所以下次要食记得先落煎饺order先。🔸 呢度有自助斟水和免费自助小食：辣萝卜 、花生；有猪脚姜、米糭、牛腩饭、西多士或糖水，仲有早餐同下午茶供应，餐厅冷气都够，座位多，干净企理，另外可以买生饺返屋企煮。