大撈家 (裝修中)

今日俾朋友拉左去深水埗买电话卡，晏昼喺附近揾嘢食，近日城中热话嘅深水埗食鱼翅捞饭梗系要试试啦，真系估唔到喺茶餐厅都可以食到咁豪嘅矜贵菜式。先来一个红烧鲍翅捞，鱼翅超大疏，份量多，火候刚好而且入味，足够2个人分享。海参襟捞配墨鱼面，海参大条入口有胶质感，花菇厚肉入味，墨鱼面Q弹捞埋秘制酱汁，令每啖都可以品尝到酱汁美味，齿颊留香，同时将捞面升华到另一层次。而朝鲜鲍鱼汤米线，汤底清甜，鲍鱼肉质带甜香，口感烟韧，米线滑身，索晒汤汁后相当好味。今餐全部食嘅都系矜贵食材，满足了我哋的味蕾。