野川拉麵の深燒食堂

营业中

休息中

放工黎到元朗同小师妹chill一chill。舖头名好长，好快就比尾后「深烧食堂」四只字所吸引。食物款式种类多，有寿司、刺身、拉面、寿喜烧、串烧，日式食物应有尽有，连原只鲍鱼都有。六品刺身盛合，好丰盛。重点系海胆，有成半板，味道鲜甜配合埋紫菜带海鲜嘅咸味，无论口感同味道都好配合。其余五品仲有油甘鱼、三文鱼、带子、甘虾、北寄贝。当中最爱油甘鱼，口感幼滑细腻，又鲜甜。顺便补下DHA，补脑。软壳蟹手卷，一客两件。差唔多食到最尖啄都有卜卜脆嘅软壳蟹。牛肉寿喜烧，冬天食日本菜必食。关东寿喜烧先以牛油炒香洋葱、日本大葱等配料后，加入寿喜烧酱，再放入肥牛、大白菜、豆腐。整锅都系蔬菜及肉的原汁，香浓鲜甜，识食一定食豆腐。肥牛沾生蛋汁令肉质滑嫩顺口。串烧必点烧黑豚肉五花腩同肥牛金菇卷串。前者好甘香，黑豚肉油脂慢慢系口中渗出来，好邪恶，但好好味。肥牛金菇好classic组合，柔嫩嘅肥牛遇上柔韧嘅金针菇。吉列蚝外脆内软，冇腥味。谷饲牛仔骨入味，惹味香口。烧鸡泡鱼干，系一流嘅下酒菜，可惜听日返工冇饮酒。鸡泡鱼干烧得刚刚好，食落有啲juicy。冇饮酒，唯有饮芝士奶盖，是日系奇异果乳酸芝士奶盖。下次要把酒畅欢系深烧