影片
更多
2014-04-09
1615 浏览
依家跟同事返完大陆做嘢，落到深圳机场，都会拣经深圳湾口岸过关，因为离机场近之余，顺路又比较少人，所以，再顺路啲过埋去屯门食埋晚饭先归家。虽然同事唔喺屯门人，但原来佢几熟依区，介绍咗晌屯门时代广场嘅「丸龟制面」，话佢啲乌冬唔错，所以，今次由佢带路，跟佢揾食 。餐厅都几大，以木料为装潢为主体，简约而带有温暖感 。虽然名叫「制面」，但其实喺间赞岐乌冬专门店 ，仲以全自助形式运作，由拣主食乌冬、选配菜、取调味、回收餐盘食具，都喺一条龙自己服侍自己，晌依个「被宠坏」嘅年代，的确喺个几好嘅饮食自理习作体验！如果唔知点入手，睇睇门口个介绍架，由营运监督，有日本村姑之称嘅林慧美教你「点」「食」乌冬 。除主打赞岐乌冬，亦提供一系列即炸天妇罗、手制饭团及关东煮，仲标榜「即制、即煮、即食」嘅宗旨，希望食客对赞岐乌冬有个美味嘅记忆。由门口开始，你已见到师傅晌开放式厨房密密手制作乌冬。乌冬款式有10多款，有酱油伴、清汤伴，又有冷系乌冬……等等。除热卖口味，唔少得季节限定口味，又分中及大份量，拣好心水款式同师傅扬声，如有额外追加材料，如萝卜茸、温泉玉子、炒豚肉……都可以（+$5-$10），再自取托盘、羹筷
餐厅都几大，以木料为装潢为主体，简约而带有温暖感 。
虽然名叫「制面」，但其实喺间赞岐乌冬专门店 ，仲以全自助形式运作，由拣主食乌冬、选配菜、取调味、回收餐盘食具，都喺一条龙自己服侍自己，晌依个「被宠坏」嘅年代，的确喺个几好嘅饮食自理习作体验！如果唔知点入手，睇睇门口个介绍架，由营运监督，有日本村姑之称嘅林慧美教你「点」「食」乌冬 。
除主打赞岐乌冬，亦提供一系列即炸天妇罗、手制饭团及关东煮，仲标榜「即制、即煮、即食」嘅宗旨，希望食客对赞岐乌冬有个美味嘅记忆。由门口开始，你已见到师傅晌开放式厨房密密手制作乌冬。乌冬款式有10多款，有酱油伴、清汤伴，又有冷系乌冬……等等。除热卖口味，唔少得季节限定口味，又分中及大份量，拣好心水款式同师傅扬声，如有额外追加材料，如萝卜茸、温泉玉子、炒豚肉……都可以（+$5-$10），再自取托盘、羹筷落下一站 。
下一站喺配菜区，一字长形摆咗近10款新鲜即炸天妇罗（$7-$15件）及数款饭团（$10-$15个），食几多就夹几多，丰俭由人，悉随尊便。此外，晌非繁忙时间，为保质素，可能遇到部份天妇罗缺货，只要开句声，店员都会为你即炸 。拣好晒配菜，或饮品，就喺俾钱嘅时候。
俾完钱，咪唔记得过嚟自助调味料区，帮你嘅乌冬整色整水，有清新嘅葱花、微辛嘅姜蓉、卜卜脆嘅天妇罗脆粒及特制鲣鱼酱油，小弟就宁舍贪心，乜都要啲 。
咖喱乌冬 $43（大） 要咗一份大咖喱乌冬，真喺咪睇小，乌冬份量好多，淋满带微甜嘅咖喱汁，汁酱内伴有豚肉，味道唔错，乌冬入口颇为滑溜，咬落带有少少韧性。
温泉玉子 $9 追加一件温泉玉子，单论个玉子，几有水准，因为蛋白啱啱凝结，缠绵柔滑，而蛋黄绵流浓郁 ，不过跟咖喱捞埋一齐食，效果又似乎唔太夹 ！
食完之后，要麻烦阁下动身将托盘及食具送到去「返却口」，贯彻「全自助」嘛，都喺差在未使帮手洗埋碗啫，哈哈 ！
依类自助式嘅餐厅，其实晌香港都唔少，加埋自助收拾，其实几值得推广，尤其一啲小店，一人行多一小步，都好湿碎啫 。
张贴
