有蒸氣 海鮮石鍋專門店 (已結業)

想减肥食清啲，同事介绍去食蒸气粥底石锅，主要系食海鲜，冇加油健康D。今次去食佢最平𠮶个套餐$328一位去到见到佢有个著名嘅黑松露炖蛋要加$28 ，见佢咁出名就试吓啦。佢所有嘢都系即刻起我哋面前个蒸笼度蒸嘅一枱一炉。两碗蒸水蛋就摆喺我哋面前大约几分钟后店员就帮我地攞出嚟又真系整得好靓好滑，小小嘅黑松露味道带香咗佢加上少少豉油咁就Perfect啦。跟住店员就帮我地整沙包蚬同埋鲍鱼啦，每人有两粒，都几大粒。个鲍鱼就细细只上边仲界咗花，放咗少少虫草花一齐蒸，沙包蚬味道鲜有啲海水味，个鲍鱼就整得啱啱好。跟住就系海中虾同埋日本元贝，估唔到正嘅海虾比起平时白灼嘅好食好多，日本元贝好大粒但系就似乎蒸耐左少少美国筒号大大只就咁放起个蒸架上边佢嘅蚝汁就流晒落去个粥度。猪肉丸同墨鱼丸要蒸得比较耐，墨鱼丸好弹牙。每样得一粒有少少唔够喉姜葱蒸鲜鱿同埋胜瓜，味道比较清淡胜瓜都几鲜甜最后就系期待左咁耐嘅粥底啦，有生米开始煮成嘅粥味道清淡得来有啲鲜味。整体份量唔多但系都几好食。