愛家國際餐飲 (已結業)

近几个月爱上食素，可能因为素食店愈开愈多，款式又愈来愈吸引。今晚去书展前，同朋友就嚟左爱家食。爱家位置其实唔难揾，就系circle k楼上。上到去，比我感觉系好简洁明亮，对住窗户的位置好舒服。呢度的店员好有礼貌，安排左我地坐底，比本menu我地睇，之后同我地讲睇啱食咩就去收银处比钱落order就可以了，一个以快餐店模式经营的素食店。朋友因为肠胃唔系几舒服，所以我地冇叫一人一个set，我地叫左清炒杂菜，什菜沙律和公司三文治share食。可能夏天的关系，三碟食物嚟到，好多绿色，感觉好清新，成个人都冇咁热。三碟的份量都好足，以为系菜，仲谂住唔够食，点知食剩左，做左大嘥鬼添。清炒杂菜好味，又唔会好多油，感觉好新鲜。杂菜沙律加左d葡萄干，带有点点酸味，感觉好清新。公司三文治用左素肉。因为呢间素食店系唔用蛋和奶，所以三文治入面的唔系蛋，但我地就研究唔到系咩，只是觉得有点似莲蓉的口感。我地见到餐牌上面仲有好多甜品，而且全部都系标榜唔会用蛋奶整。下次一定要去试下啦。呢度除左系餐厅之外，仲系一个素食杂货店添。