坐忘 (已搬遷) 新店位置

今日同同事喺砲台山附近揾野食，同事话砲台山附近有间日式小店 ，主打系七小时慢煮猪软骨同埋强调冇味精的健康食店，难得今日见佢门口唔系好多人排队，所以就同同事决定食呢间。门外等位期间亦见到张贴了将几间报张的访问。好彩等了几分钟就有人走，好快入得去，一入到发觉佢装修装修好特别 ，好似日本一啲民宿嘅餐厅咁，感觉好warm好cozy。 坐喺度食嘢都可以透过一个透明玻璃见到厨房入面嘅厨师整野食，够晒特别。由于人多关系我哋未入舖头之前，已经点定𩠌，一入到去嘅时候我哋嘅所点嘅嘢已经系可以上枱，由于佢呢度最出名系慢煮7小时嘅猪软骨，所以我哋几个同事都系掂咗呢一个𩠌。佢个猪软骨定食，佢个猪软骨有两大旧，旁边伴碟呢会有一啲沙律菜喇， 仲有1个冇味精嘅汤， 佢嘅猪软骨真系名不虚传，又大旧又好食。基本上佢嘅猪软骨的骨呢已经系慢煮到系一个骨胶原嘅状态，食入口非常软滑，好似食啫喱咁 ，入口即溶，仲会黏住d牙， 肉又唔会好鞋 ，酱汁又唔会好肥腻， 捞埋少少沙律菜一齐去食 感觉好清新健康，虽然价钱收紧$65蚊，但系佢有两大嚿嘅猪软骨畀返你，一个男士食完都感觉得非常之满足同埋饱，都非常抵食，而且无味精，都食得健康啲。