茶湯會 (皇后大道中) (已結業)

炎炎夏日三十几度，咁岩经过茶汤会又口渴，当然想整返杯冻野醒一醒神，降下温消下暑啦近年珍珠奶茶风气流行，自己都饮过唔少舖头既珍珠奶茶，都开始想停一停试下第二款既饮品。起舖头拣左好耐都未决定到拣咩，最后就问店员，佢介绍左百香果芦荟绿，咁就试一试啦。等左五分钟左右，杯饮品终于到喇，超口渴既我当然即刻大啖大啖咁饮，百香果同绿茶既配搭相当清新，平时饮开微甜既我今次都系照旧微甜，饮落去有少少百香果既酸味，个种酸系有种开胃既感觉，再配合绿茶就更加突显到呢杯饮品既特色–消暑解渴！台式饮品黎讲，当然仲有另一个主角，就系芦荟粒，芦荟粒既甜味加埋百香果既酸味起口中合拍到不得了，个种酸酸甜甜既开胃感觉令到即使饮左大半杯都仲起唔会觉得滞，而且芦荟粒亦相当足料，即使饮到底都仲有唔少芦荟粒剩，所以真系强烈推荐百香果绿茶！