素食一家 (已結業)

朋友好耐无见，相约食饭聊天，大家都感到夏天天气热及近排多食肉，十分难消化。就选择左呢间食素既餐厅。餐厅内环境有中国特色既摆设，坐位宽敞舒适。凉拌海蜇手撕鸡($45) -海蜇都几有弹性，同真既好似，加上芝麻青瓜，拌埋一齐，味道可口十分开胃。椒盐金针菇($48) - 金针菇炸既火喉岩岩好，唔会太过火，有入口即溶既感觉。炸后加上少少椒盐，适合份量令到炸完既金针菇更加惹味。又不会太咸。荷塘吐艳($108) - 呢个菜十分清新，全部都系蒸出来，最后在上面加少少芡汁，将冬瓜解暑既作用表现出黎，而且摆设精美相信下了不少功夫。红烧竹笙素翅($88) -口感味道都同真翅一样，既可以环保不用食真鱼翅，但又可以品尝到鱼翅一样既味道同埋口感。姜茶菊花($38)-见到好多人都有叫呢个姜茶菊花， 卖相十分吸引应该系佢吸引人叫佢既原因。姜茶味道稍淡，如果可以再浓D就更加好，此姜茶菊花好考刀功，如不好会令成个意境丧失。饮完后，又到同朋友离别既时间，相信好快我地又可以再出黎相聚食饭聊天。