QUE (MOKO新世紀廣場)

营业中

休息中

呢间餐厅一直想去食最近见出左2人套餐就去试一试环境好舒适 非常适合聚餐主打Fusion菜 系现代居酒屋✨二人套餐 $448✨二人套餐非常丰富，有前菜或餐汤选择，小食五款选一款，主食八选一，仲有好特别嘅寿司塔可同甜品，真系好抵食。🔸脆炸单骨鸡翼小食我哋就拣咗呢款脆炸单骨鸡翼，鸡翼炸到金黄香脆，肉质嫩滑多汁，点埋明太子酱食非常惹味。🔸松叶蟹味噌甲罗烧烩饭我哋加咗$58点呢个饭作为主食，大大个甲罗烧真系睇到都流晒口水，烩饭用咗海胆汁去烹调，鲜味十足，将甲罗烧同烩饭捞埋一齐食味道好夹。🔸香葱拖罗蓉牛油果酱寿司塔可/辣味帆立贝寿司塔可香葱拖罗蓉牛油果酱寿司塔可嘅拖罗鲜味十足，食落完全冇筋，牛肉果酱好口感Creamy。帆立贝口感滑滑弹牙，辣辣地非常惹味。不得不提寿司塔可嘅紫菜做得好出色，炸到非常香脆，令到口感更有层次。🔸京都宇治抹茶提拉米苏盒子提拉米苏盒子外观精致，食落口感非常滑溜creamy，抹茶味道香浓，同时食到淡淡嘅酒香味，仲有糖渍红豆喺底，一齐食好好味。🔸香桃富士梳打/青苹果泡泡绿茶我哋加咗$38升级做呢两杯特色饮品，两杯饮落都非常凉快，好适合喺呢个炎炎夏日度饮。