茶狼 (已結業)

因为就快新年，就同朋友去咗铜锣湾血拼，买下野，办年货！第一站就谂住去诚品，睇下有冇啲靓靓文具，用泥装饰office！但仲未上到去，就已经比希慎一楼个pop up store 吸引咗，系一个期间限定，以狼做主题既野饮铺。但由于人真系太多，搞到我都唔想去排埋一份，所以谂住睇下行完街，少啲人先再去试！行咗个几两个钟，人龙果然真系少咗好多，就即刻去排队！店面主分咗两边，落单同拎货区。而我今次就叫咗杯水果四季春，入面都有唔少种类既水果，西瓜、苹果、青柠、士多啤梨等等，四季春饮落都几清香。店员仲好有礼貌咁提我可以拎枝长叉番啲水果食，好贴心！