一芳台灣水果茶 (已結業)

如果唔系因为较早前喺香港开咗「一芳台湾水果茶」, 见到所有香港人又一窝蜂咁抢住去排队, 仲话一排要等成两个钟头先饮到嘅极品茶, 都唔会知道原来一芳系喺台湾拥有过百间分店的人气手摇饮品店, 仲话系出咗名嘅古早味添。开初见到人头涌涌, 真系完全冇谂过要抢先试味, 就等人潮散去才试吧。 咁啱阿肥头先喺厚福街某间台式饮品店买唔到佢嘅心头好凤梨冰茶, 佢又热又口渴, 咁就行多几条街上嚟美丽华呢间一芳分店买佢嘅第二最爱水果茶啦 热潮真系已经过去...一间又一间嘅黑糖珍珠奶茶已经打入香港各区, 一芳嘅排队党睇嚟已经移施阵地, 呵呵~我哋开始可以享受唔洗排队嘅美味啦 虽然我唔太喜好于饮水果茶, 但见佢咁出名, 当然要试一试, 呢个品牌果然冇呃人, 真系绝冇添加任何浓缩果汁调味, 里面有几款新鲜原型水果, 完完全全天然水果味, 清甜解渴, 口感亦非常丰富, 每一啖都可以啜到粒粒嘅百香果籽同凤梨果肉, 茶底清香绝不苦涩。饮哂之后可以揭开杯盖面, 食埋入面嘅生果添!🍎🍊大热天时要消暑解渴一芳水果茶确系一杯唔错嘅选择