Lemongrass (已結業)

今日同朋友喺奥海城食饭，谂左好耐都唔知食咩好，最后朋友话想食泰国菜，揾到呢一间餐厅。装修好清新，好舒服。见到门口大大个餐牌栋喺度，仲要好colourful，都feel到应该好多嘢食，同埋好吸引。果然真系无估错，食物样类多不胜数，甜品方面净系睇相都已经流晒口水。仲有好多唔同款嘅饮品，都系$68/ 2杯。首先黎个炭烧猪烧肉，肉质鲜嫩爽口，炭烧香味亦足够，烧得唔会太过干身，依然能够keep住肉汁嘅味道，仲可以加啲酱汁调下味添。泰式湿炒鸡肉河：如果钟意食湿炒嘅你就啱晒，芡汁绝对足够。河粉炒得刚刚好，够晒火喉。鸡肉都好够滑身。仲有栗米、青菜同荷兰豆伴碟。马拉盏炒通菜，次次食泰国菜都必点， 师傅手势好好，啲菜唔会炒得太老，味道亦唔会太咸，有马拉盏调味，令到成碟菜都香气四溢， 加上有少少辣椒更加惹味。食饱饱，本身想叫个热情岛甜品，有4大球雪糕，奈何太饱啦，所以只系一人叫左一球雪糕，满足下口腹之欲啦。