影片
更多
2022-09-02
127 浏览
今日同朋友嚟大角咀，中午路经博文街，见到之前帮衬过𠮶间拉面店，对面新开咗间主打夏威夷盖饭嘅餐厅。上网睇到啲 Poke Bowl 卖相好吸引，有人即刻心心眼话要试。餐厅走小清新路线，店内装潢简约，以黑白两色为主调，墙身上悬著霓虹灯店名和装饰，设计精美，啱晒食饭前后打卡呃 like！ 细看餐牌，招牌夏威夷波奇碗共有 6 款可供选择，全部都可以自选跟寿司饭、沙律菜、二合一或蓝花梅子饭 (+$3)，另外客人亦可以按自己喜欢嘅口味，自由搭配。选了《Everything 我全都要》配蓝花梅子饭 ($126) 同《Ebi Poke 虾兵蟹将》配菜饭各半 ($103)，另外再加咗爆谷同饮品。我全都要用料好丰富，内有三文鱼、吞拿鱼、蟹子、牛油果、香菇、紫洋葱和山葵蛋黄酱，材料堆得满满，色彩缤纷，惹人垂涎。三文鱼油润肥美，吞拿鱼肉质滑溜，而牛油果嘅熟度亦啱啱好，捞埋啲酱汁一齐食，好醒神。垫底嘅蓝花饭，以蝶豆花汁液制成，入口气味芳香，带梅子微酸，令人越食越开胃。至于虾兵蟹将嘅材料就有凤尾虾、菠萝、蟹肉、中华沙律同柑橘沙律汁。凤尾虾大只肉厚，菠萝甜美多汁，蟹肉雪白鲜甜，而中华沙律亦爽口冰凉。垫底嘅寿司饭&沙律
今日同朋友嚟大角咀，中午路经博文街，见到之前帮衬过𠮶间拉面店，对面新开咗间主打夏威夷盖饭嘅餐厅。上网睇到啲 Poke Bowl 卖相好吸引，有人即刻心心眼话要试。
餐厅走小清新路线，店内装潢简约，以黑白两色为主调，墙身上悬著霓虹灯店名和装饰，设计精美，啱晒食饭前后打卡呃 like！ 
细看餐牌，招牌夏威夷波奇碗共有 6 款可供选择，全部都可以自选跟寿司饭、沙律菜、二合一或蓝花梅子饭 (+$3)，另外客人亦可以按自己喜欢嘅口味，自由搭配。
选了《Everything 我全都要》配蓝花梅子饭 ($126) 同《Ebi Poke 虾兵蟹将》配菜饭各半 ($103)，另外再加咗爆谷同饮品。
我全都要用料好丰富，内有三文鱼、吞拿鱼、蟹子、牛油果、香菇、紫洋葱和山葵蛋黄酱，材料堆得满满，色彩缤纷，惹人垂涎。
三文鱼油润肥美，吞拿鱼肉质滑溜，而牛油果嘅熟度亦啱啱好，捞埋啲酱汁一齐食，好醒神。垫底嘅蓝花饭，以蝶豆花汁液制成，入口气味芳香，带梅子微酸，令人越食越开胃。
至于虾兵蟹将嘅材料就有凤尾虾、菠萝、蟹肉、中华沙律同柑橘沙律汁。凤尾虾大只肉厚，菠萝甜美多汁，蟹肉雪白鲜甜，而中华沙律亦爽口冰凉。垫底嘅寿司饭&沙律菜，同酱汁味道好夹，很 refreshing！
另外呢份焦糖肉桂爆谷 ($38) 水准亦唔错，送上时仍热烘烘，入口香喷喷，脆度十足，焦糖味浓厚香甜，美味。
饮品选择丰富，有健康果昔、养生冷泡茶，另外亦有双柠梳打、菠萝可乐等可供选择。拣咗清热又健康嘅黑枸杞菊花茶 (+$15) 同 洛神花茶 (+$15)，洛神花茶味道甜甜哋，消暑又解渴，饮落好舒服。
张贴
