回春

营业中

休息中

今次又试吓新Cafe . 平日嘅回春系cafe， 夜晚变成一间小型fusion餐厅。装修简洁清新，自己去饮咖啡Chill、或者同朋友食饭嘅好地方。今次试吓新出晚市Menu。墨西哥脆脆片鹰嘴豆酱配柠檬汁好开胃，啱晒同朋友一路倾偈一路食。迷迭香煎羊架够嫩滑，味道甘香又唔会有臊味，好夹香草汁，只需用刀叉轻轻一切就分开。配菜系青椒碎沙律菜焗薯仔，味道好清新。炖鸡个汁几特别又惹味，用咗好多蕃茄香草红黄皮椒混合而成，酸酸甜甜中大少少辣好开胃，鸡腿肉嫩滑多汁，食得好满足。食物份量合理又有质素，价钱亲民仲免加一，实在难得。