XOXO Café Lab (已結業)

呢间新Cafe开咗都有一段时间，行过都会比佢嘅装修吸引到。舖仔细细，开放式嘅设计充满田园风格，以蓝白色为主，大量木类嘅架仔以及假花感觉清新，亦显心思。我哋拣咗五个午餐，包餐汤及蒜茸包，味道唔错。另外嘅小惊喜系惠顾午餐嘅蛋包饭以及意粉类会送Haagen-das脆皮三文治一份。餐汤有薯仔碎，蒜茸包真系好脆，用嚟点汤食一流。北海道牛乳蛋包饭嘅𩠌有六款拣，猪扒，汉堡，鸡扒，鱼，牛柳粒以及杂菜，点都会有款啱啩。我哋拣咗牛柳粒同猪扒。蛋滑嘟嘟，牛肝菌汁亦好好味，唔会太咸，牛柳就中规中矩，猪扒炸得好脆身，肉质亦松软。鲜茄肉酱意大利面，茄味够浓，唔会太多酱，啱啱好，中间嘅蛋感觉唔到有同无嘅分别，不过整体好味。鲜南瓜忌廉烟肉意大利面，食唔出有南瓜忌廉味，普普通通。蒜片牛柳粒意大利面，部份牛柳粒好韧，而味道唔突出。每人一份嘅haagen-das雪糕。