湯品小棧 (已結業)

假日好少屋企煮饭食，之前有朋友话食过呢一间米线有别于出边嘅米线舖，所以就专程过黎大角咀试！对于一日三餐，经常都外出食饭嘅打工仔来讲。真系好难得可以系街上面揾到一啲比较屋企味比较重啲野食，黎到真系好惊喜，估唔到呢一间小店居然攞咗米之莲大奖，仲有好多人等紧位添。花雕醉鸡蛋酒浸过嘅半熟烚蛋口感软糯，淡淡的酒香，蛋黄入口即溶虫草花炖汤好清澈，足料嘅炖汤，汤面见底，完全冇味精。好足料嘅住家汤口感，养生又清纯嘅感觉牛肝菌酱捞米线同出面油淋淋，味精汤底嘅米线好唔同，呢度嘅味道真系唔知点样形容！一啲味精嘅味都冇，但系就有淡淡的肉香味，果然系好特别，而且好健康嘅感觉下次都会再返黎，健康晚餐，依家喺街，真系好难揾得到。