越中意 (已結業)

是日同男朋友去完荔园玩, 玩到又热又攰，晚餐都唔知食咩好？！男朋友见我脚仔痛，体贴地 话坐车返北角食喇！突然谂起屋企楼下有间越式餐厅，平日经过，好多时都见到厅内坐无虚席，门外餐牌又异常吸引，想试巧耐㗎嘞，就同猪仔讲: 我地今晚去呢间开餐吖 ！是晚8点几入座，仲有卡位坐呢  ！茶餐厅既格局，有TV设置，白色墙身挂有字画及数张招牌菜广告，感觉新！翻开餐牌，有巧多吸引嘢食啊 ！无奈猪仔肚子唔多舒服，唯有食得轻盈d啦……1.越式米纸卷 : 今期餐牌推介，见张相几靓仔 ，试下喇！一碟4件，色彩缤粉，米卷中有米粉、弹牙靓虾、生菜、薄荷叶、甘荀丝等。一啖咬落，不油不腻，极爽口凉快 ！中间既配菜: 红、白萝卜丝，酸甜醒胃！2.菠萝咕噜肉饭: 见到餐牌有中式饭，越式整中式嘢通常一般般，但猪仔想食，也就点来试试！酸甜开胃饭，菠萝鲜甜、青椒爽脆，唯独主角咕噜肉唔够酥脆，差少少啰！食物质素唔错，埋单96蚊，价钱实惠，仲见到有抵食套餐添！下次要来试试呢度既越式春卷、香芧猪排等等，相信应该唔错！