海皇粥店 (粉嶺名都商場)

营业中

休息中

成日食茶餐厅早餐，感觉真是好腻，今日早咗返工，突然好想食粥，名都只有一间海皇粥店，去到地方光猛干净，揾个位坐低，由店员落单之后好快食物都上枱！南瓜粟米肉碎粥--碗粥好大碗，金黄色好靓，粥底都算滑，南瓜已经溶晒，有时会食到南瓜丝，食紧就有一粒粒粟米粒，大大粒好爽口！肉碎比较嚡同大粒！所以我都无食，如果系无肉碎清粥仲好！份量大，我只系食到2/3！好满足！炸両--新鲜做起，因为开放式厨房见到店员包，因为呢间油炸鬼唔会放得耐，够新鲜，肠粉皮虽然唔算好滑，但包住外脆内软嘅油炸鬼都好好味，配甜辣酱一齐食，绝配！欣赏系豉油另上，可以由食客决定落几多！几窝心！调味料全部放在枱上任用！放得干净企理！店员勤快爽手！上菜好快！讲真星期日无套餐，价钱算贵，但可以坐得舒服食一餐粥！海皇真系首选，因为好多旧式粥店味道唔错，但地方真系赶客，残旧之外，枱櫈都油淋淋！唔会想坐得耐！所以贵啲都会选呢度！