Pho Metro (已結業)

今日同妈妈去感谢祭，行咗好耐，我哋都好攰，又无乜胃口，唔系好肚饿嘅情况下，想食啲清新健康嘅食物，行过白沙道见到呢间装修几靓嘅pho metro，心谂越南嘢清清地就啱晒啦！我哋首先叫咗个开胃小食 － 鲜虾米纸卷，真正的皮薄馅靓，生菜好新鲜好脆，鲜虾大大只鲜甜美味，份量啱啱好！想食得清清地，就叫咗呢个扎肉汤檬，呢间餐厅嘅扎肉比起其他越南餐厅更爽口弹牙，薄薄地但足足有6片，份量足够，而且檬粉大大碗，好好味，但最后都食唔晒...妈妈就叫咗个劲惹味嘅选择 － 蟹膏汤河！呢个真心推介，非常足料之余个汤底充满浓浓嘅蟹肉蟹膏，即刻劲开胃！呢度仲有啲好似温室种植香草嘅布置，相信系方便新鲜摘落嚟即刻放入𩠌菜里面供客人享用！得闲嚟开铜锣湾可以试下呢间诚意小店！