影片
更多
2020-10-01
114 浏览
去旅行买手信最常见不过，但成间舖买返黎见过未？两位女生游走台中时无意中发现植作茶呢个健康饮品牌子，一试就爱上，仲将佢引入香港，系山林道开店。香港咁多台式饮品店，佢有乜咁特别呢？植作茶主打以台湾直送低温烘焙豆类、谷麦类做茶底，无咖啡因，用鲜奶唔用奶精，岩晒追求健康或肠胃唔好嘅人。🍴黑糖桃胶决明子鲜奶 HK$32未饮过豆类、谷麦类嘅茶饮，所以叫店员介绍下，一讲到决明子味道似咖啡，我就二话不说要试佢。味道真系同手冲咖啡有几分相似，不过就较清新轻盈，因为有黑糖所以唔会好淡，桃胶都几滑，有得咬下，无珍珠咁肥。🍴黑糖桃胶冬瓜混红麦茶 HK$27冬瓜茶多数甜到死，但呢杯加左红麦茶之后，甜味更加平衡，红麦茶仲可以降火解腻添，呢个配搭唔错。植作茶仲有好多唔同功效嘅饮品配搭，惊唔知饮乜的话去到问店员啦，佢地好乐意介绍。店内仲摆放左插画、新诗等等本地作品，唔止有得饮，仲有得睇添啊。📍植作茶尖沙咀山林道10-12号山林阁地下2B号舖
去旅行买手信最常见不过，但成间舖买返黎见过未？两位女生游走台中时无意中发现植作茶呢个健康饮品牌子，一试就爱上，仲将佢引入香港，系山林道开店。香港咁多台式饮品店，佢有乜咁特别呢？植作茶主打以台湾直送低温烘焙豆类、谷麦类做茶底，无咖啡因，用鲜奶唔用奶精，岩晒追求健康或肠胃唔好嘅人。
🍴黑糖桃胶决明子鲜奶 HK$32
未饮过豆类、谷麦类嘅茶饮，所以叫店员介绍下，一讲到决明子味道似咖啡，我就二话不说要试佢。味道真系同手冲咖啡有几分相似，不过就较清新轻盈，因为有黑糖所以唔会好淡，桃胶都几滑，有得咬下，无珍珠咁肥。
🍴黑糖桃胶冬瓜混红麦茶 HK$27
冬瓜茶多数甜到死，但呢杯加左红麦茶之后，甜味更加平衡，红麦茶仲可以降火解腻添，呢个配搭唔错。
植作茶仲有好多唔同功效嘅饮品配搭，惊唔知饮乜的话去到问店员啦，佢地好乐意介绍。店内仲摆放左插画、新诗等等本地作品，唔止有得饮，仲有得睇添啊。
📍植作茶
尖沙咀山林道10-12号山林阁地下2B号舖
张贴
