奔咪

营业中

休息中

上环有间小店专做越式法包，都有早餐卖，睇咗价钱都真系几吸引😍店舖环境好温馨，但座位就唔多🥹个法包影咗咁耐相都仲系好脆🥖馅料好多，有咸猪手粒、扎肉、肝酱、青瓜、蕃茄、酸萝卜👍🏼你可以选择走芫荽辣椒，但我全部都要，口感超丰富！肝酱令成个法包都好香😀好食🤤蛋沙律牛角包都几有惊喜，佢除咗脆之余，仲要完全唔油！😍因为有青瓜蕃茄，所以食落好清新👍🏼套餐仲会包饮品或者自家汤或者沙律😆我哋拣咗饮品，两杯都系健康嘅感觉😌冷香甘柠草本茶完全无糖，另一杯士多啤梨红桑子果茶可以少甜👍🏼食紧嘅时候都见到有人特登嚟呢度买沙律，如果下次再去应该会试😋