Le Jardin à Soho (士丹頓街)

营业中

休息中

餐厅定价唔高，都系闹市cafe 价钱，装修偏向英式，有2层，宁静舒服，摆放唔少植物作装饰，彷似置身优雅小园叹茶。苏格兰蛋外层沾满酥脆嘅面包糠，里面酿入绞碎猪肉蓉同半熟蛋。旁边沙律菜更能中和炸蛋油腻感。 班尼迪蛋配牛油果多士一切开班尼迪蛋，😋蛋汁流晒出嚟，伴随住新鲜嘅三文鱼同幼滑嘅牛油果，加上酸甜开胃嘅荷兰酱。 🍗烤鸡等候时间比较长， 用咗香草烤特别香，皮香肉嫩， 伴碟几件粟米都用上蜜糖烤过，亦唔会过甜 。🍓🫐英式杂莓吉士松饼 即叫即整，热辣辣，比较厚身亦松软，带蛋香味，表层布满超多杂莓，加上忌廉。 🫖桂花红乌龙 朋友想养生饮暖茶都有唔少选择，似英式high tea 配上pancake 都一流。 🍸Lavender Haze 被充满少女心嘅淡紫色所吸引，铺上一片黄色小花，除咗薰衣草较突出，味道比较平淡。