雪ノ下 (已結業)

系漫街都系pancake 疏乎里嘅时代，雪之下算系pancake 界嘅清泉，并没有diss 疏乎里嘅意思，但香港果种一hit 咗一种食品，就开到成行成市，令人审美疲劳，就算开头钟意食，都食到你惊，食到你冇感，的确可怕⋯我开头都有沉过pancake 疏乎里嘅船，觉得好软熟，好轻飘飘，好似食咗一片云咁，好得意，但食咗好多次之后嘅我，当中当然良莠不齐，如果佢用嘅油唔靓，好多时油味重会盖过蛋香，慢慢⋯我醒啦，想食返嘀实在嘀嘅野。朋友话呢间嘀pancake 好出名，咪去试下，噫？唔同㖞！佢好厚实，近似蜂蜜蛋糕嘅感觉，入面比较湿润，好香蛋味，有一种朴实嘅感觉⋯钟意甜嘀嘅，可以再加上蜂蜜，好似置身日本嘅咖啡小店，再加上一杯earl grey ，真系太幸福啦！