Yuyu Sushi

营业中

休息中

长沙湾开得愈来愈多日本餐厅，今日就试下呢间Yuyu sushi，午市都几多人，等左五分钟就有位啦。入到去环境几大错，灯光设计令人舒服，坐得几舒服。午市有颇多定食嘅选择，今日选择左天妇罗汤荞麦面午市定食。前菜有沙律同味噌汤包埋落定食度。沙律落嘅系胡麻酱，杂菜亦好新鲜，不错。味噌汤正常，无咩特别。主菜有天妇罗荞麦面嘅汤底愈清淡，有丝丝鲣鱼香味荞麦面亦不错。天妇罗方面食得岀系即炸，热辣辣！材料包括虾，茄子🍆，南瓜🎃同蕃薯🍠，虾有两只，点埋附上嘅汁，味道清淡而特别。另外，店员都好有礼貌，提提大家呢度仲要唔收加一，抵食！