青藏牛肉麵 (已結業)

星期五放工，谂起上次去古月，隔离有间青藏牛肉面，就去试吓。叫咗青藏牛肉面，少面。嚟到𠮶一刻，见到好多芫荽葱，个汤热辣辣，比较清😍，牛肉就似乎渌得有啲过熟。入口发觉个汤都几浓味，之后都要饮好多水。叫串烧嘅时候，我问老板娘青藏烤肉串系咩肉，佢话系鸭肉，正。咁叫埋羊肉串同一啲蔬菜就Perfect啦。同老板娘所讲一样，羊肉一定要热食，冻食就完全唔系𠮶回事。孜然羊肉串好食，有机会下次要试小羊架。总括而言，食物睇落好似清清地，但事实系一间重口味嘅舖头，啱重口味嘅朋友。