金順蘭州拉麵

营业中

休息中

星期日下昼十二点几，拐到呢间铺仔到揾面食。家庭式经营o既铺仔细细，廿人都坐唔落，唯有坐近门口…咁就望唔到师傅点整面。因为预o左要等，所以除o左牛腩面外，仲叫o左个青瓜打发时间。青瓜爽爽脆脆，普普通通。时间o岩o岩好，食完碟青瓜碗面就到。汤底好清，有牛肉味，牛腩瘦得o黎都几松化，最重要系个面有咬口。一路食，觉得食开同区港式金铭牛腩面o既话，呢度都系一个唔错o既另类选择。最后差唔多成碗汤饮哂，埋单半小时后行到返屋企都唔口渴。无味精，抵加分！