影片
更多
2024-11-26
480 浏览
呢间 AFURI，我以前层经去过一次，当时食左柚子塩味拉面，食评系麻麻地，因为个汤太淡太薄弱，唔够力量。今次再光顾，主因系今日身体状态唔太好，想食碗清爽淡丽型嘅拉面，咁 AFURI 就系一个唔错嘅选择。《柚子🍊酱油拉面🍜》香味 (5/5) - 香味非常充足。柚子味，酱油味，烧烤味，鲣鱼汤味于一身。我甚至于认为系我闻过最香，最有层次嘅拉面。汤 (5/5) - 比起塩汤，呢个酱油汤真完全系两个世界。汤色清澈，似普洱茶色。因为有左上次经验之后，知道呢道个汤头系清爽淡丽型，酱油嘅咸鲜系淡淡然唔系浓厚𠮶种，而且酱油风味独特，鸡骨味清楚地可品尝到。个汤味道好之余，余韵仲有淡淡嘅八角味。整体来讲个汤我系十分钟意。面条 (4/5) - 细面，带全粉小麦粉，直身，口感极好，爽口又有韧性。最难得系，佢个汤够热之余，个面系由头爽到尾，唔会话浸到腍左。小麦味中上。整体个面为我带来相当不错嘅满足感。配料 (3/5) - 猪叉烧方面，系猪五花，有卤入味，而且爽口唔油腻，又唔会话一夹就散，几好食，可惜只有一块唔够皮。荀方面，够爽脆，分量系唔少，但切得都太幼身，满足感差d。比较差嘅系荀味系好淡，唔够味。溏心蛋方面，正
《柚子🍊酱油拉面🍜》
柚子🍊酱油拉面🍜
$108
0 浏览
0 赞好
0 留言
香味 (5/5) - 香味非常充足。柚子味，酱油味，烧烤味，鲣鱼汤味于一身。我甚至于认为系我闻过最香，最有层次嘅拉面。
汤 (5/5) - 比起塩汤，呢个酱油汤真完全系两个世界。汤色清澈，似普洱茶色。因为有左上次经验之后，知道呢道个汤头系清爽淡丽型，酱油嘅咸鲜系淡淡然唔系浓厚𠮶种，而且酱油风味独特，鸡骨味清楚地可品尝到。个汤味道好之余，余韵仲有淡淡嘅八角味。整体来讲个汤我系十分钟意。
面条 (4/5) - 细面，带全粉小麦粉，直身，口感极好，爽口又有韧性。最难得系，佢个汤够热之余，个面系由头爽到尾，唔会话浸到腍左。小麦味中上。整体个面为我带来相当不错嘅满足感。
配料 (3/5) - 猪叉烧方面，系猪五花，有卤入味，而且爽口唔油腻，又唔会话一夹就散，几好食，可惜只有一块唔够皮。
荀方面，够爽脆，分量系唔少，但切得都太幼身，满足感差d。比较差嘅系荀味系好淡，唔够味。
溏心蛋方面，正正常常，偏淡，冇乜点加味，要食之前用水嗽嗽口先食到明显蛋香。
海苔方面，我几钟意佢嘅选料，几够甜。
水菜，正常啦，本身水菜冇乜味，配淡丽风系几夹嘅。
食到最后，加埋黑椒粉，增加味道嘅层次。
《豚骨浓汤饺子🥟》
豚骨浓汤饺子🥟
$58
0 浏览
0 赞好
0 留言
其实佢有好几款饺子🥟拣，我见有豚骨浓汤饺子，谂住食饺子之余又可以试埋佢个豚骨汤，一举两得。但，事实未如理想，个豚骨汤非常淡，因为个饺子嘅馅本身都淡淡地，配埋个冇乜力嘅汤成件事麻麻地，可能食返煎饺会好d。
呢一餐虽然分量多，一面一饺子，一个人食，但都食得晒。
整体 - 值得推荐 👍👍👍👍 但大前题系你要喜欢食淡丽风，如果重口味人仕应该会唔钟意。
张贴
