Spring field (已結業)

明明只系五月，但系天气热到好似七八月咁，行几步已经岀晒汗，落湾仔买完啲嘢热到想死，谂住食埋嘢就返屋企凉冷气算，喺横街入面见到一间越南fusion，咁啱又冇人排队，快啲入去坐底先。餐厅好似系主打食牛肉嘅，不过我就比个冷面吸引咗，一来天气热想食冻嘢，二来冻豆浆河粉我未试过呢个组合，加上好少见呢种口味，所以就要咗个「鹿儿岛黑豚肉浓豆浆冷河粉」。汤底非常清爽，咸咸地但保留到豆浆嘅豆味。河粉都好爽口再加埋大量紫洋葱、芫荽同青葱食落更加清新。我知餐厅主打系食牛肉嘅，牛肉就等下次啦。