四季文昌 (已結業)

上次翻大陆已经好想食椰子鸡煲，点知最后都系食咗探鱼。。。听朋友介绍香港都有好食既椰子鸡煲🙈先叫咗一个原味椰子文昌鸡锅, 半只。鸡肉好嫩好滑，好新鲜。椰子煮一阵都食得，好fresh好滑~食完鸡就梗系打个边炉先啦😆 叫咗四季牛肉拼盘，有手切安格斯牛颈脊，A4和牛肉眼，黑安格斯牛小排，牛舌粒，牛舌长切，牛柳粒。牛肉好鲜嫩，牛肉味好岀，唔点豉油一样好食！牛舌都好弹牙🤤仲有竹笙墨鱼卷，同文昌鸳鸯拼盘。竹笙墨鱼卷好好食，外面爽脆，入面弹牙。拼盘就有水饺同福袋，水饺入面有虾，好新鲜👍🏻 福袋入面系芋头同猪肉，如果芋头比例再多会好啲。打边炉又点可以冇菜。有一个好丰富既野菜篮，份量十分之多！北海道海胆煲仔饭。超足料！😍 厚厚既海胆舖满哂成个饭，加少少豉油，捞均佢。海胆同饭混为一体，溶化既海胆包住每粒饭，啖啖都食到海胆，大满足🤤不得不提呢度既沙冰，菠萝沙冰同椰子沙冰都十分高质！沙冰好细滑，用新鲜果肉加冰再搅拌而成，会食到细细粒既果肉，refreshing 之选！