錦麗 (德福廣場1期)

营业中

休息中

今日去九龙湾行街，经过见到锦丽，听闻佢啲牛河几好味，所以就去试一试佢。六点几去到等左一阵就入去。一入去店员就会俾两份配料你，应该系食牛河用的😂。我地叫左熟牛河，第一啖梗系饮汤先啦，一饮，真系好清甜，好味。之后就系试牛肉，牛肉都好味既，但太瘦了，如果半肥瘦就太好了（可能会变左牛腩）。烧鸡肉纸米卷既鸡肉烧得好香，我钟意入面有青瓜，好味。入面啲菜都几新鲜，配合烟韧既纸米纸，点埋甜酸酱更好味。炸春卷上面有酸酸地红梦卜丝，几开胃，我食晒😂，食左再食春卷感觉冇咁滞。春卷炸得颇脆，几好味。唔系好知大崩碗系咩，所以叫左冻雪梨大崩碗来试下。来到竟然系绿色的😮，而且成杯都系冰，太多啦，早知叫少冰，饮落几清新、清甜，但又好似唔系好知自己饮紧咩咁😅。而滴漏咖啡系用炼奶的，饮落几滑，唔会太甜,岩岩好，好味。