三喜家 (已結業)

虽然呢个星期日日都落雨，唔代表人唔会热，今日我行都口干揾野饮，咁啱行入巷仔见到一间花甜果茶，都好。三类饮品，果汁、奶昔、沙冰。招呼我个女仔，介绍话冰沙最受欢迎，金娥东是其中之一，我就听佢讲试吓，估唔到个样咁靓，唔影张相都对唔住自己。奇异果、莓果、苹果、椰奶、奇雅子的混合，见到啲女仔调得好细心，相信比例拿得准，味道相当香甜，奶味唔重，而且最特别就有一粒粒咬落奇雅子嘅口感。买多杯奶昔俾拍档，日安燕麦蕉莓泥，听个名都知道成份，成杯紫色，见得到唔同层次，系需要搅匀先饮嘅，拍档话都好好饮。下次行过再试其他，因为真系几好饮。