清真牛肉館 (龍崗道) (已結業)

今日去咗九龙城食晚饭，第一次去咗好出名嘅清真牛肉馆度。当然唔少得要点个清真牛肉包啦，店员一开始已经提醒我哋小心爆汁。于是我小心翼翼咁样咬落去，估唔到里面真系好多汁，一下子全部流晒落只碗度。牛肉馅好淋，不过唔系特别有牛味。至于个包，皮唔会太厚，煎得干身唔油，不过唔算特别香脆。食完成个包唔觉得会特别滞。非常好。然后我哋重点左个清真炒饭。我哋最初以为剩系得牛肉粒，原来上到嚟食落先知系有牛嘅内脏嘅，亦都切成粒。炒饭有啲辣，几开胃。不过饭就唔系特别炒得干身，可以话湿炒。总括而言，呢间餐厅味道唔错，不过又唔算特别出众，想食清真美食嘅朋友可以一试。