影片
更多
2013-03-06
72 浏览
一个晚上，我地一班老友记o系湾仔觅食。行至卢押道，遇到有个好鬼友善既外国人、佢著住中东服饰派传单，由于佢非常热情既关系我地都抵挡唔住就拎左张。传单上面写住清真阿拉伯菜。咦，其实我地全部人都未试过阿拉伯菜㖞！所以我们决定上去一试究竟！餐厅系位于商业大厦既11楼，所以如果你唔系睇到传单、或者o系openrice check到地址都几难会发现到佢既存在。上到去餐厅，地方细细但系装修几有中东感觉，感觉似家庭式小店。地方光猛干净，播住中东音乐，加上中东人老板，感觉好异国风情。我地四个人叫左一个四人餐，先黎头盘有四款：鸡心豆茸、茄子茸同埋两个沙律。豆茸同埋茄子茸系配中东面包黎食，经友善既老板讲解后我地明白系将面包撕开细细块、再点落去D豆茸黎食。豆茸好幼滑同埋好香豆味，同时带少少咸味同酸，系几好味既头盘。茄子茸系将茄子煮熟再搞烂成茸，混入乳酪其他材料而成，口感特别、味道浓郁，好味道！其他两款沙律都唔错，并唔系求其货色。汤只有扁豆汤一款，汤既质感好浓，可隐约见到磨碎既扁豆系入面，味道亦佳，可以试到豆味同埋香料味。黎到主菜喇，主菜分别有：烤羊架、烤鸡腿块、香草烤鸡丝、同埋羊肉粒配杂菜。羊肉粒煮得很"淋"
行至卢押道，遇到有个好鬼友善既外国人、佢著住中东服饰派传单，由于佢非常热情既关系我地都抵挡唔住就拎左张。
传单上面写住清真阿拉伯菜。
咦，其实我地全部人都未试过阿拉伯菜㖞！所以我们决定上去一试究竟！
餐厅系位于商业大厦既11楼，所以如果你唔系睇到传单、或者o系openrice check到地址都几难会发现到佢既存在。
上到去餐厅，地方细细但系装修几有中东感觉，感觉似家庭式小店。
地方光猛干净，播住中东音乐，加上中东人老板，感觉好异国风情。
我地四个人叫左一个四人餐，先黎头盘有四款：鸡心豆茸、茄子茸同埋两个沙律。
豆茸同埋茄子茸系配中东面包黎食，经友善既老板讲解后我地明白系将面包撕开细细块、再点落去D豆茸黎食。
豆茸好幼滑同埋好香豆味，同时带少少咸味同酸，系几好味既头盘。
茄子茸系将茄子煮熟再搞烂成茸，混入乳酪其他材料而成，口感特别、味道浓郁，好味道！
其他两款沙律都唔错，并唔系求其货色。
汤只有扁豆汤一款，汤既质感好浓，可隐约见到磨碎既扁豆系入面，味道亦佳，可以试到豆味同埋香料味。
黎到主菜喇，主菜分别有：烤羊架、烤鸡腿块、香草烤鸡丝、同埋羊肉粒配杂菜。
羊肉粒煮得很"淋"很入味，配上三色椒及其他蔬菜。
香草烤鸡丝既味道非常好，可以感受到用左好多特别既香料制成，配上佢地既特色阿拉伯香料饭，很正！
烤鸡腿块系去骨去皮既鸡肶肉，加上特别腌料烤成，配上一个香蒜汁，鸡肉惹味、肉质弹牙。
我地问老板呢度既鸡肉有咩特别之处，点解肉质比出面弹牙呢，佢答我地话呢度既肉类全部系经过清真方式处理，所有动物o系屠宰前都会向佢地讼经，呢个举动能够令动物松弛落黎，然后用利刀快速切断两条大动脉为动物放血，只举可以减低动物痛楚同埋令佢地快速离开咁话。佢仲话清真既肉其实唔系好贵，提议我们有兴趣有可以同佢买d返去试下。在下有时都会下厨，考虑下先！
anyway，离左少少题添，返番去最后既羊架。
烤羊架有四件，size ok，每支羊架上都留有些肥肉，令其煎时可将脂肪的香味散发出黎。而呢碟菜式亦都不负众望，羊肉味道一流，加上香料之后没有抢走肉味，而且并不太"苏"，大家都好满意。
最后仲有甜品，不过在此不作详述喇，质素亦系唔错的。
整体黎讲，对于食物同服务我地都好满意。
埋单最后每人应该系百三百四蚊到，食得开心满足、加上佢系特色菜，呢个价钱系抵食的。
佢窗口旁边有两张二人台，可以睇到个靓街景，下次会同老婆黎撑台脚。
张贴